Gaweanmu Opo,Nal..??

Ee..wis suwe ora tahu nulis postingan nganggo boso Jowo, saiki kepinguuiinn buangeet nulis meneh nganggo boso Jowo. Rasane bungah lan luwih kepenak anggonku nulis yen nganggo boso Jowo. Lha iyo mestine ngono ya, nek nganggo boso Londo utowo boso Urdu pancen dasare aku ora mudheng babar plothas…

Durung suwe iki aku ketemu karo konco lawasku, konco sekolah biyen ning facebook. Rumangsaku awit ngerti internet, aku biso ketemu meneh karo konco – konco lawas. Senajan urung ketemu langsung ning yo wis iso gawe ati bungah. Wis welasan tahun durung tahu ketemu, ee..ora ngiro ketemune meneh malah ning facebook. Kepenak temen ya, anane media sosial ugo biso ono manfaate. Kabeh mau kari tumrape dhewe – dhewe kepiye olehe arep njukuk kemanfaatan teknologi. Biasane nek wis ketemu ning facebook podo ijolan nomere hape supoyo biso telpon – telponan, ning seringe yo ming podo SMS-an.(SMS gratisan neh..ngetokke nek podo kerene.hahaha…)

Saben ketemu konco – konco lawas sing wis suwe ora ketemu, mesti pitakone pirang – pirang. Awit takon piye kabare, kuliahmu ning ngendi, wis duwe bojo opo durung..?, anak’e wis piro, kapan nikahe, lan liya – liyane. Kayane pitakonan koyo ngono kuwi wis dadi pitakonan sing wajib. Sing ora tahu ketinggalan, biasane podo takon “Gaweanmu opo, Nal…?”… nek ora ngono ya, ” Saiki nyambut gawe ning ngendi..?”
Pokok’e takon gawean utowo nek boso gaule profesi.

Akeh konco sing podo ora percoyo karo wangsulanku yen takon gawean utowo kuliah opo ora. Lehku mangsuli yo wis opo anane, aku ora kuliahan lan nyambut gawe mburuh. Ning sing nggumunake kok malah podo maido lan ora podo percoyo, yen aku iki mung kuli kasar, urip ning ndeso. Kadang – kadang yo lungo meranto ning seje kutho, ngadu nasib nggolek penggawean sing upahe dianggep lumayan tinimbang ning desane dhewe. Ono sing percoyo, ono ugo sing maido dikirane aku goroh. Lehku mangsuli yo wis opo anane ora goroh. Nganti podo ndedesi opo sak temene gaweanku, yo tetep wae tak wangsuli podo, kuli.

Lahiyo, podo takon gawean wangsulanku yo wis bloko suto opo anane kok malah ora percoyo.?  Karepe kepiye..?
Malah podo maido, “Mosok ora kuliah,Nal..? “… “Mosok kuli, Nal..?”
Wangsulanku rakyo penak wae to, “Lha kowe iki takon opo maido, Cah..?!”
Ee lah kok genten semaur, ” Guoblok kowe, Nal. Eman – eman utekmu sing pinter kuwi ora nglanjutke kuliah. Malah dadi kuli, huopo…!!”

Ngopo yo, nek ketemu konco lawas sing ora tahu ketemu utawane kenalan sing ditakok’ke kuwi – kuwi wae, anakmu piro, gaweanmu opo, bojomu seko ngendi,?????? Mbok yo kolo – kolo takon liyane, koyoto : ” Penghasilanmu sesasine piro..?”, “Wis duwe mobil pribadi piro..?” , ” Omahmu mewah opo ming gubug reyot..?”. “Depositomu ning bank akeh opo ora..???
” Saiki bojomu wis piro….???” wkwkkwkk

Wis ah…kesel lehku ngetik..!!